ترتيب المكياج و صلاحيته موضوع نفعني كثير

[.!.Kit..Kat.!.]

صباح الورد..كيف المزيونات

ما اعتقد في وحدة تدخل محل مكياج وتطلع منه وايدها فاضيه
من غير ما تشتري شي



عموما المكياج حلو
بس لو عرفت الوحده شلون تحطه بسنع
اوكي .. وبعد ما نشري بهالمكياج
نقوم ونحط اللي ينفع واللي ما ينفع فوق بعض
وبعدها بنتوهق
ما ندري هذا وين حطيناه وذاك وين خشيناه
وبعض هالشغلات تصير قديمة لأن ما استخدمناها
طيب .. شلون ارتبها بطريقة ممكن اشوف فيها اللي ابيه بسهوله
وبعد يكون فيها كل المكياج قدام عيني
من غير ما انسى شي شريته من فتره وراح يخترب علي بعد مدة
وانا ما استخدمته من الأساس
شوفي معاي بعض الحلول السهله

1
تخلصي من أي مستحضر ما استخدمتيه خلال الستة أشهر الماضية
خلي شغلك كله جديد لأن المستحضرات بعد مدة ما تنفع قد ما تضر

2
حطي باقي المستحضرات في حقيبة مكياج صغيرة
علشان تسهل عليك الوصول للي تبينه بسهوله

3


قومي بتصنيف المستحضرات
يعني
اللي للعين حطيهم لوحدهم واللي للخدود لوحدهم وهكذا
وهذا يحتاج منك تخصيص حقيبة لكل صنف صنفتيه لوحده
مثل ما وضحت لك

4


تخلصي من كريمات الحماية من أشعة الشمس
( الخاصة بالعام الماضي )
لا تحتفظي بكريمات فتحتيها لأكثر من سنه
وان كنتي محتاجتها استبدليها بجديد

5


لا تراكمين بالماسكرات .. خلك مع نوع واحد او اثنين لين يخلصون
وتذكري تبديل الماسكرا كل 3 شهور بعد استخدامها
لأن وجودها لمدة أكبر من كذا يساعد على نمو البكتيريا المزعجة

6


لا تراكمين بعد بأنواع من كريمات الاساس
خلك مع نفس كلام الماسكرا مع نوع او نوعين وبس
واحد ثقيل للسهرات والثاني خفيف للاستعمال المتكرر
.. ولا تعفسين ببشرتك
خلي كريم الاساس بحقيبة مع شغل الكونسيلر
واستخدمي كريم الأساس لمدة عام كامل
بس هذا في حالة تخزينه بمكان جوه بارد طبيعي مو حار
ولا تنسين
تسكرين علبته لا خلصتي من استخدامه دايم

وهذا نصائحنا لكم يا مزيونات اليوم

[بـرستيـــج نملـــه]

ما اعتقد في وحدة تدخل محل مكياج وتطلع منه وايدها فاضيه
من غير ما تشتري شي

بنات هالأيام مستحيل يطلعن الا ومعهن ع الأقل نص اغراض المحل
ههههههههههههههههههه

تسلمين كتكاااته
ويعطيك العوافي

[هدى..]

يسلمو ع الموضوع الحلو


الف شكر

[.!.Kit..Kat.!.]

يا هلا برستيج
تصدقين
مرات ادخل محلات
ومايعجبني شي

بس لا شفت شي عندي مثله ودي اشتريه عشان ما اطلع فاضية ههههههههههههههههههههه

يسلمووو للمرور قلب

[.!.Kit..Kat.!.]

هلا هدى
العفوو الله يسلمك
حياك

[بنت بوحمود]

نصايح حلوه ..


و انا الحمد لله ما احط وايد ميك اب ..


تسلمين الغلا ,,,

[.!.Kit..Kat.!.]

هلا بنت بو حمود
ايه وانا مثلك ما احط كثير
لكن للمناسبات
شي اكيد بحط
عشان كذا كل بنت تحتفظ بالمكياج

يسلموو للمرور قلب